ქართული ენის წრე - 2019-2020 სასწავლო წელი

2019 წლის 10 ოქტომბრიდან თბილისის 173-ე საჯარო სკოლაში მუშაობა დაიწყო უფასო ქართული ენის წრემ „ქართული ენა - ჩვენი საუნჯე.“ წრეში გაერთიანებულნი არიან ამავე სკოლის IV-ზ კლასის მოსწავლეები და მისი ხელმძღვანელია პედაგოგი ნელი ცარიელაშვილი.

საწრეო მუშაობის აღწერა

            

წრის სახელწოდება: „ქართული ენა - ჩვენი საუნჯე“

მასწავლებელი/ხელმძღვანელი: ნელი ცარიელაშვილი

სკოლა: სსიპ ვახტანგ გზირიშვილის  სახელობის ქალაქ თბილისის  №173 საჯარო სკოლა

კლასი: IV-ზ

თემა: საგაკვეთილო პროცესში მოსწავლეთა მოტივაციისა და კვლევითი მუშაობის ხელშეწყობა ქართულ ენაში.

დრო: ყოველ ხუთშაბათს, მე-6 გაკვეთილი.

საწრეო მუშაობის მიზანი

დამატებითი აქტივობების შემოტანა დაწყებითი კლასების სპეციფიკიდან გამომდინარე აუცილებელია. ქართულ ენაში საწრეო მუშაობა ხელს შეუწყობს მოსწავლეთა მოტივაციის ამაღლებასა და მათი შემეცნებითი ინტერესისა და უნარების განვითარებას. ქართულ ენაში საწრეო მუშაობა მნიშვნელოვანია იმისთვის, რომ მეოთხე კლასის დასრულების შემდეგ მოსწავლეებს  ჰქონდეთ შესაბამისი უნარ-ჩვევები სწავლის მომდევნო საფეხურისათვის.

საწრეო მუშაობის ამოცანები

საწრეო მუშაობა მიზნად ისახავს შემდეგი ამოცანების შესრულებას:

1. საგაკვეთილო პროცესის დროს მიღებული ცოდნის განმტკიცება;
2. ძირითადი უნარების (როგორიცაა კითხვა, მოსმენა და საუბარი) განვითარება;
3. ზეპირი მეტყველების კულტურის გამომუშავება;
4. მე-4 კლასის საპროგრამო მასალის უკეთ ათვისება;
5. სოციალური უნარების განვითარება; და
6. საკუთარი აზრის ლოგიკური თანამიმდევრობით გამოთქმის უნარის განვითარება.

საწრეო  მუშაობის შედეგები

საწრეო მუშაობით მიღებული მოსალოდნელი შედეგებია:

1. მოსწავლეები უკეთ შეძლებენ ენობრივი რესურსების გამოყენებას;
2. დამოუკიდებლად შეასრულებენ სამუშაოს მათი ინტერესების, შესაძლებლობისა და უნარების შესაბამისად;
3. მიეჩვევიან ლოგიკურ და სიტუაციურ აზროვნებას; და
4. გაიუმჯობესებენ თავისუფალი და კრიტიკული მსჯელობის უნარებს.

ქართული ენის წრის მეცადინეობის გეგმა

2019-2020 სასწავლო წლის I სემესტრში მეცადინეობა ტარდება კვირაში ერთხელ ყოველ ხუთშაბათს.

#	თარიღი	თემა	ხანგრძლივობა (სთ)
1	10/10/2019	საწრეო მუშაობის მიზნებისა და გეგმის გაცნობა	1
2	17/10/2019	სხვადასხვა ტიპის წინადადებების სწორად კითხვა	1
3	24/10/2019	წაკითხული ტექსტის გააზრება	1
4	31/10/2019	წინადადებების სწორად ჩამოყალიბება	1
5	7/11/2019	კამათისა და მსჯელობის სტრატეგიები	1
6	14/11/2019	ტექსტის საკუთარ ცხოვრებასთან დაკავშირება	1
7	21/11/2019	ჩემი საყვარელი ლექსი ან მოთხრობა	1
8	28/11/2019	სახალისო დავალებები და პრაქტიკული სამუშაო	1
9	5/12/2019	წაკითხული ტექსტის ემოციური გაგება	1
10	12/12/2019	პოეზია და საყვარელი პოეტები	1
11	19/12/2019	სახალისო დავალებები და პრაქტიკული სამუშაო	1
12	26/12/2019	სემესტრში წრის შემაჯამებელი მუშაობა	1

საწრეო მუშაობის მეთოდები და რესურსები

საწრეო  მუშაობაში გემოყენებულია თამაშები, სახალისო ამონარიდები ნაწარმოებებიდან, გონების სავარჯიშოები, სურათები, ლექსები, და ინტერნეტში მოძიებული მასალა. ასევე გამოყენებული იქნება ქართული ენის გრამატიკისა და ლიტერატურის კრებულები, ტესტები, სამუშაო ბარათები, დაფა, პროექტორი და ბუკები.

შეჯამება

საწრეო  მუშაობის პროგრამა ემსახურება ეროვნული სასწავლო გეგმის მიზნებსა და ამოცანებს. ასეთი მუშაობა საშუალებას იძლევა, გამოვიყენოთ სწავლების სხვადასხვა მეთოდი, მიზანმიმართულად გავანაწილოთ აქტივობები ინდივიდუალური და ჯგუფური სამუშაოების შესრულების დროს ინტერესთა სფეროებისა და შესაძლებლობის მიხედვით.